உலக சமாதான தினம் ஒவ்வொரு ஆண்டும் செப்டம்பர் 21 ஆம் திகதி கடைப்பிடிக்கப்படுகிறது. இந்த நாள், மனிதகுலத்திற்கு அமைதி மற்றும் ஒற்றுமையின் முக்கியத்துவத்தை நினைவூட்டும் நாளாகும். 1981ஆம் ஆண்டு, ஐக்கிய நாடுகள் சபை (United Nations) இந்த தினத்தை அறிவித்தது. 2001ஆம் ஆண்டில் இதை நிலையான திகதியாக மாற்றி, அதன் இலக்குகளை மேலும் வலுப்படுத்தியது. இந்த நாளில் உலகம் முழுவதும், யுத்தம் மற்றும் வன்முறைக்கு எதிராக அமைதிக்கான அழைப்புகள் எடுக்கப்படுகின்றன.
.png)
அமைதி என்பது எந்த சமுதாயத்திற்கும் முக்கியமான தளமாக இருக்கிறது. அமைதி இல்லாத இடத்தில் வளர்ச்சி, கல்வி, பொருளாதாரம், சுகாதாரம், மனித உரிமைகள் என எதுவும் சரியாக செயல்பட முடியாது. ஒரு நாட்டின் அல்லது உலகத்தின் முன்னேற்றம் அமைதியை அடிப்படையாகவே கொண்டுள்ளது. நவீன உலகத்தில், பல்வேறு கலாச்சாரங்கள், மதங்கள், மொழிகள் ஆகியவற்றின் மத்தியில் அமைதியான வாழ்க்கை வாழ்வது மிகவும் அவசியமாகி விட்டது.
இந்த தினத்தின் முக்கிய நோக்கம்
∆உலகமெங்கும் யுத்தங்களை நிறுத்த வலியுறுத்தல்
∆ வன்முறைகளுக்கு எதிரான விழிப்புணர்வு
∆மனித நேயத்தின் பரிமாற்றம்
∆கல்வி, கலாச்சாரம், உரையாடல், ஊடகம் மூலம் அமைதி பற்றிய விழிப்புணர்வை அதிகரித்தல்
இந்த நாளில், பல்வேறு நாடுகள், அமைப்புகள், கல்லூரிகள் மற்றும் சமூக அமைப்புகள் அமைதி குறித்த நிகழ்ச்சிகளை நடத்துகின்றன. குறிப்பாக சமாதானத்திற்கும் நல்லிணக்கத்திற்குமான பணியகமும் இந்த சமாதான தினத்தை பெருமளவில் முன்னெடுக்கின்றது. இதன் மூலம், நம் எதிர்கால தலைமுறைகளுக்கு அமைதியின் அருமை மற்றும் அவசியம் புரிந்துகொள்ள முடியும்.
உலக சமாதான தினத்தன்று, ஐ.நா. தலைமையகத்தில் அமைந்துள்ள “அமைதி மணி” (Peace Bell) ஊதப்படுகிறது. இது அமைதிக்கான ஒரு பிரதான சின்னமாக கருதப்படுகிறது. இந்த மணி ஜப்பான் நாட்டின் நன்கொடை மூலம் தயாரிக்கப்பட்டது. இதில் பல்வேறு நாடுகளின் நாணயங்கள் கலந்துவைக்கப்பட்டுள்ளன. இந்த மணி ஒலிக்கும் போது, உலகம் முழுவதும் ஒரு நிமிட மெளன அஞ்சலியும் கடைப்பிடிக்கப்படுகிறது.
உலக சமாதான தினம் என்பது வெறும் ஒரு நாள் கொண்டாடுவதற்கானதல்ல. நாம் ஒவ்வொரு நாளும் அமைதியை நிலைநிறுத்தும் பணியில் பங்கேற்க வேண்டும்.
√பிறரை மதிப்பது
√ கலாச்சார வேறுபாடுகளை ஏற்கும் மனப்பான்மை
√வன்முறைக்கு பதிலாக உரையாடலை தேர்வுசெய்தல்
√சமூக ஊடகங்களில் நற்பண்புகளுக்கான தூதுவாக இருப்பது
√சின்ன சின்ன சண்டைகளிலும் பொறுமையை கடைபிடிப்பது
இவற்றை நாம் பின்பற்றினால், அமைதியான சமுதாயத்தை உருவாக்க முடியும்.
உலக சமாதான தினம் என்பது ஒரு நினைவூட்டல் – அமைதி என்பது எல்லோருக்கும் உரிமை, மற்றும் அனைவரும் அதற்கு பங்களிக்க கடமைப்பட்டவர்கள் என்பதற்கானது. நாம் வாழும் இந்த உலகம், பல பிரச்சனைகள் மற்றும் சிக்கல்களால் சீரழியக்கூடியது. ஆனால் அமைதி என்பது அந்தச் சிக்கல்களுக்கு ஒரு தீர்வாக இருக்க முடியும். எனவே, அமைதிக்காக நாம் ஒவ்வொருவரும் எடுத்துக்கொள்ளும் சிறு முயற்சிகளே, உலகளாவிய மாற்றங்களை உருவாக்கும்.
அனைவருக்கும் சமாதான தின நல்வாழ்த்துக்கள்!
Post a Comment